«“OHANYAN BRANDY COMPANY”-ն Հայաստանում առաջին ընտանեկան ընկերություններից է։ Ընկերությունը հիմնադրվել է 1998 թվականին՝ երկրորդ անգամ ծնելով Ասկերանի գինու նախկին գործարանը, որը 1922 թվականից ոգելից խմիչքների արտադրության ավանդույթներ ուներ։ Գործարանը զբաղեցնում է 3 հա տարածք և ունի թթի, նռան, խաղողի և հոնի այգիներ։
Այգեգործության հազարամյա ավանդույթներ և գինեգործության մեծ փորձ ունեցող հայ ժողովուրդն ունի մրգային կոնյակների արտադրության սեփական գաղտնիքները։ Այդ գաղտնիքները փոխանցվում են սերնդեսերունդ։
Ընկերությունն արտադրում է բացառիկ թունդ ալկոհոլային խմիչքներ բնական մրգերից, կոնյակից, գինուց և օղուց: Լավագույն մասնագետները, օգտագործելով գերժամանակակից տեխնոլոգիաները, քրտնաջան աշխատում են մեր բացառիկ հավաքածուն արտադրելու համար: ԱՐՑԱԽ թունդ ալկոհոլային խմիչքների հավաքածուն մեծ նրբագեղություն և հարստություն ունի և առաջարկում է աներևակայելի հետաքրքիր և եզակի համտեսում:
